الســلام عليكمـ ورحمة الله وبركاتهـ
مرحبـــِـِـِـِـِــــا الساع بكل من شرفــِـِـِـِـــني بتواجده...
/
\
اول شي انا حابه اقول اني ما كتبت الموضوع من وحي [الخيال,,, ]
او شخص [,,خبرني,,,]عنه انا شفت كل هذا [,,بعيني,,, ]
لانه الله رزقني زيارة بيته الكريم االصيف الماضي ....
بناتنا بنات الامارات
(!)
,,))العبي والشيال (( ,,
الخوات الله يهديهن جنه [رايحات عرس,,, ] مب الحرم ..!!!
[فصوص وكرستال,,,] من كل الانواع وااللوان والاشكال ... والقصات
لا تتخبرون ..والشيال [خفيفه,,, ] كاشفه شعورهن وكل شي ابا
افهم ليش لابسه شيله؟! ..
واللي عباتها فيها ذيل يسحب وراها ...وفي بنات غريبات يحطن
[غشوه,,, ] بس جيه فوق راسهن زينه ابا افهم ليش؟! يا تتغشين يا
لا ...ليش بعد هالحركات واشياء غريبه عجيبه ...
{...موقف~
بنيه يالسه تصلي عدالي ولابسه طقم عباه وشيله بكرستال ذهبي كل حبة كرستال
كبر راسها .. يتها وحده مصريه ..
المصريه : انتي من الامارات ..؟
البنت: هيه نعم من الامارات ..بس كيف عرفتي ..؟
المصريه: محدش بيلبس كرستال كبير وبيلمع الا بنات الامارات ..؟!
(2)
,,))رفعة الشعر (( ,,
[عااااد هنيه فيه تحدي,,, ] منوه ترفع اكثر ...!!!؟؟
انزين ليش ..؟؟ >>>>ادفع عمري كله عشان اعرف ...!!
الاخت رايحه المول مالهم وكاشخه ورافعه الشعر واللي يقهر انها
حتى في [الحرم بنفس المنظر,,, ] ...
كل ما مرت وحده [رافعه شعرها قالوا من الامارات,,, ] ...(3)
,,))العطر والدخون (( ,,
[تخيلت نفسي يوم العيد ,,, ] تمر من عدالك الوحده تقول [ محل
عطورات متحرك,,, ]من كل الانواع ..الفرنسي...والعربي ..والدهن
عود ...
عاد انا هناك حارمه عمري ومن تخطف عدالي وحده من هالبنات
[ادوووخ..!!,,, ]
شبابنا شباب الامارات
الشاب هناك عاد غير [24 ساعه في المول,,, ] يا في الابراج يا
في زمزم ما يتعبون ولا يملون تروح تحصل نفس الاشكال ...
[ووقت الصلاه يروحون متأخرين ..!!,,, ]
ابا افهم ليش ما يستغلون الوقت.. اللحين محد قال ما يروحون
السوق ..بس عاد كل شي له حله ...
انا طبعا ما كتبت هالموضوع على شان انتقد عيال بلادي او اقلل منهم
كتبته من حبي وخوفي على سمعة البلاد وشبابها كل واحد منا يسافر لازم
يعرف انه يعكس صورة وطنه مب بس صورته الشخصيه .. والموضوع
طبعا مب معمم هذي فئه وفي ناس ما شاء الله عين الرحمن عليهم تفتخر
وانته تقول هذيلا عيالنا وشبابنا وبناتنا ...
اتريا اسمع رايكم في الموضوع وشوه تفسيركم لهذي الظواهر حتى في
بيت الله الحرام ...
اترقب آرائكمـ ,,,
دمتمـ بخير وربي يتقبل منا منكم صالح الاعمال ,,
شو رايكم فيهم
